مخاصمنى!!!

زغروطـــــة وحشـــــــة!!

أنا عارف إن كلمة «زغروطة» بتكتب بالدال مش بالطاء.. يعني «زغرودة».. بس أنا حابب أكتبها زغروطة.. بدون ما أبقي مخرب للغة العربية.. بس أنا حاسس إن حرف «الطاء» مناسب أكتر لمعني الكلمة.. يعني تخيل لو أنت في خطوبة ولا في فرح ولا حتي في طهور، وسمعت واحدة راحت مزغرطة زغروطة حلوة، وحبيت تعرف مين اللي زغرطت دي.. بذمتك الأحلي إنك تقول.. مين اللي زغرطت؟ ولا مين اللي زغردت؟ ده مش بعيد لو جوزها سمعك بتقول علي مراته «زغردت» ممكن يطاهرك مع العيل اللي بيطاهر.. أو تخيل لو نجحت بعد ما سهرت الليالي في المذاكرة ومققت عينيك في الكتب وشرب شاي وقهوة ودروس خصوصية وجبت مجموع كبير جدًا وراجع البيت فرحان إنك هاتدخل طب وتبقي دكتور.. ووسط ده كله مامتك تقولك: والله لأنا مزغردالك.. راحت الفرحة.. والمجموع الكبير نقص النص.. وكلية الطب بالنسبة لك بقت معهد كمبوسكو.. مرة سمعت صوت زغروطة في المطار.. سمعتها من غير ما أشوف مين اللي مزغرطها.. صوتها كان وحش أوي وبايخ.. الأهم بالنسبة لي كان السؤال.. اللي هو.. يا تري اللي بتزغرط في المطار دي بتزغرط ليه؟! حد وصل من الحج؟.. بس ده مافيش حج في شهر محرم.. جايز حد نجح؟! طب واللي نجح ده نتيجته متعلقة في المطار مثلاً، وجاي يشوفها.. ولا واحدة حامل في التاسع كانت مسافرة ولا راجعة وجالها الطلق وولدت؟!.. بس أكيد لو واحدة جالها الطلق وهاتولد في المطار أهلها هايطلبوا الإسعاف أوقع من إنهم يقعدوا يزغرطوا في صالة السفر.. تخمين خاطيء.. طب إيهّ؟! إيه سبب الزغروطة الوحشة اللي رنت في مطارنا دي! صوت الزغروطة اللي ملهاش صاحب دي، كان بيقرب مني كل شوية، لحد ما أخيرا لقيت مجموعة ناس كده ووسطهم عروسة لابسة فستان فرح أبيض أوحش من الزغروطة.. وفي رقبتها شبكة ألماظ ذوقها بشع.. لقيت الناس دول ملفوفين حوالين العروسة وكان ناقص يعملوا دايرة ويرقصوا حواليها ويغنولها يا طالعة سلالم الطيارة يا ماشالله عليها.. إيه اللي جاب العروسة دي المطار بفستان فرحها.. جايز اتلخبطوا بين المطار والفندق اللي جنب المطار.. كل ده مش مشكلة.. مش مشكلة إن العروسة بيزغرطولها في المطار ولا إنها جاية تتجوز في صالة تلاتة.. المشكلة مش في فستان الفرح أبو ديل طويل أوحش من فستانه ده.. المشكلة هاتركب بيه الطيارة إزاي؟! هاتعدي بيه من بوابة الكشف بتاعت المعادن اللي علطول بتصفر دي إزاي؟! هاتطلع بيه سلم الطيارة إزاي؟! هاتقعد بيه علي الكرسي إزاي؟! هاتاكل إزاي؟! لو حبت تروح الحمام هاتروح إزاي.. وإزاي.. وإزاي.. وإزاي.. إزيات كتير قوي خلتتني أهنج.. معقولة في عروسة تسافر بفستان فرح أكبر من الطيارة؟! ده فستان عايز طيارة لوحده.. ده الواحد بيبقي في الطيارة عايز يقلع كل هدومه من الزهق.. طيب لو الطيارة وقعت في المحيط وجالنا فرق الإنقاذ ينقذونا، ولقوا عروسة بفستان أبيض بتعوم وسط المحيط.. أكيد هايفتكروها عروسة المحيط، ومش بعيد يسيبوها عشان المحيط مايبقاش من غير عروسة.. الله يكون في عون المحيط وعون عريسك.. آه صحيح.. هو فين؟.. ولأن العريس لازم يبقي لابس بدلة، فدورت عليه بعنيا.. بس مالقيتش أي بدل ملبوسة.. فين العريس؟! جايز يكون مش لابس بدلة.. وليه مش واقف جنبها وسايبها واقفة لوحدها وسط الدايرة.. فجأة ظهر راجل لابس شورت ووقف جنبها وهو بيضحك ومبسوط أوي.. فضولي إني أحدد ده العريس ولا لأ.. نساني آخد بالي إن الراجل ده ياباني.. عريس ياباني.. ياسلااااام.. صحيح كل واحد بيلاقي نصه التاني، حتي لو كان ياباني.. الحقيقة أنا ماكنتش عارف هو ياباني ولا صيني.. أصلهم قطعية واحدة.. ارتحت بعد ما شفت العريس الياباني.. بس ارتياحي ده راح مع ضربة فلاش من كاميرا صغيرة كانت في إيد واحدة يابانية قصيرة بشورت برضه واقفة بتصور العروسة مع الراجل الياباني ده.. الراجل طلع جوز اليابانية.. أيوه كده الصورة تبقي صح.. الياباني لليابنية.. لأنه لو كان الياباني ده هو جوز العروسة دي.. أكيد ماكانتش اليابان وصلت للي هي فيه دلوقتي.. طلعوا اتنين سياح يابانيين كانوا بيتصورا مع العروسة عشان يرجعوا اليابان يسيحولنا بالصور.. طيب والعريس المصري بقي إمتي هايبان؟ إظهر وبان عليك اليابان.. لم يظهر العريس المصري.. فضولي اللي هايوديني في داهية خلاني اتخفي ورا شنطة وأقرب منهم أكتر وأحاول أسمع أي حاجه تقتل فضولي.. سمعت الست الفرحانة اللي كانت بتزغرط زغاريط وحشة بتتلكم مع ست تانية زعلانة ماكنتش بتزغرط خالص.. الزعلانة قالت للفرحانة: مش كان محمود ابني أولي بعزة بنتك.. أهو علي الأقل كنتوا عارفينه وحافظينه ومربينه وابن خالتها وجارها، وكان زميلها في الكلية والشغل.. الفرحانه قالت لها وهي باصة علي عزة بنتها: كله قسمة ونصيب يا أختي.. الزعلانة قالت لها: والقسمه والنصيب يقولوا إنكوا تجوزوها لواحد ماتعرفهوش.. إفرضي طلع متجوز.. الفرحانة قالت لها: الشرع حلله أربعة.. قامت الزعلانة قايلالها: ده إنتوا حتي ماتعرفوش شكله.. الفرحانة ماسكتتش وقالت لها: مين قالك؟! ما هو بعت لنا صورة حلوة قوي.. الزعلانة بزعل مليان فقدان أمل قالت لها: أنا مش مصدقة إنك تجوزي بنتك لواحد بتوكيل.. لا تعرفه ولا يعرفها، ولا شافته ولا شافها، وتسفروها كده كأنها كرتونة ولا شنطة.. الفرحانة بفرح مليان مصلحة وجهل قالت لها: هي هاتعوز إيه تاني أكتر من كده.. ده بعتلها مهرها ميتين وخمسين ألف جنيه.. ده غير الشبكة التحفة اللي في رقبتها.. ولا فستان الفرح اللي هاياكل منها حتة.. ده كمان تلاقيه بشيء وشويات.. الزعلانة بزعل صادق قالت لها: الحاجات دي فرحتكوا إنتوا.. بصي علي بنتك كده.. شكلها مبسوط؟ بصت الفرحانة وبصيت معاها.. إحنا الاتنين مبتسمين، وفضلت الفرحانة مبتسمة، وأنا راحت ابتسامتي.. اللي شفته علي وش عزة زعل وحزن كبير ماخدتش بالي منه.. أصلي كنت مشغول بفستانها أبو ذوق وحش اللي ماكنش عندها حق اختياره.. اتشغلت بشبكتها اللي أكيد خنقاها دلوقتي واللي ملهاش ذنب في وحاشتها.. عزة مابتضحكش.. وشها جامد كأنه بلاستيك.. عينها ثابتة كأنها كفيفة.. باصة علي لوحة مواعيد الطيارات.. لسانها مستخبي جوة بقها وبيدعي إنه يارب الطيارة ما تطلع.. عزة مقهورة زي أم محمود وأكتر.. ماصدقتش اللي سمعته بوداني.. عروسة متجوزة بتوكيل وهاتتشحن علي جوزها.. جوزها اللي الحاجة الوحيدة اللي شافتها منه صورة أمها بتقول إنها حلوة أوي، وانا لا يمكن أصدقها.. وإلا كنت صدقت إن فستانها هاياكل منها حتة، وشبكتها تحفة زي ما قالت.. عرفت عريس الغفلة من غير ما أعرفه ولا أشوفه.. بس عرفته.. من ذوقه.. فستان وحش وشبكة أوحش.. عزة كانت باصة ناحية باب الدخول.. بتشب علي طراطيف صوابعها تخطف نظرة من بين زحام الناس.. بتميل يمين وشمال بنظرة نفسها تكمل لحد الباب القزاز.. الباب القزاز اللي كان واقف وراه محمود.. محمود ابن خالتها وزميلها وحبيبها.. محمود اللي كان نفسه يتجوزها.. محمود ابن أم محمود الزعلانة.. عرفته من غير ما أعرفه.. عرفته من دموعه، ولو كان كل الدعا بيستجاب ماكنش جه ميعاد الإعلان عن إقلاع الطيارة.. اللي رن في سماعات المطار وكأنه حكم إعدام محمود.. بص في عينها أكتر ما كان بيبص.. عيط أكتر ما كان بيعط.. حاول يمنع دموعه اللي فضحت حبه وسط شيالين المطار.. بس معرفش.. معرفش يمنعها ومعرفتش أنا كمان.

مســــــــــطول!!


فيلم :العيال هربت
حمـــادة هـــلال
أغنية :مسطول
الساحل الشمالى
أغسطس 2008

على كف عفريت....



في الميزان‏'‏علي كف عفريت‏'!!‏
بقلم: أشرف عـبدالمنعم

‏..‏وتحول أعمدة الإنارة المتراصة علي جانبي الطريق السريع في لمح البصر بين عيناي الملولة ومساحات خضراء مبعثرة منزرعة اصطفت هي الأخري لتشهد بأننا ما زلنا نزرع شيئا‏-‏ أي شيء‏-‏ رغم‏(‏ كل‏)‏ ما ننعم به من‏(‏ مظاهر‏)‏ المدنية وسعار البناء‏,‏

وقد توسطت هذه الزراعات بيوتات بائسة قوامها الطين اللبن‏,‏ وحمار شارد هزيل القوام وقف صاغرا فمه في انتظار صاحبه الذي نسيته‏(‏ المدنية‏)‏ هو الآخر في منتصف الغيط علي قارعة الطريق يلفحه قيظ الحر تارة‏,‏ ويقرصه برد الشتاء تارة‏,‏ وهو غير المقتنع أساسا بالدور الذي سطره الزمان علي جبينه محفور القسمات‏;‏ من بعد أن أحاطته ظلال بنايات شاهقة من كل جانب علي مرمي البصر كانت في ذات يوم هي الأخري مزارع‏,‏ ولكن أصحاب تلك الأراضي كانوا هم‏(‏ الأذكي‏)‏ علي ما يبدو‏;‏ وذلك حين تجرأوا علي‏(‏ كل‏)‏ شيء فشيدوا بناياتهم تلك بأدوات المكر والدهاء حتي صارت‏-‏ وصاروا معها‏_‏ واقعا مجتمعيا أليما يجسد معاني الانسلاخ الفردي عن المجموعة‏,‏ وإعلاء مصلحة الفرد باعتلاء صهوة الأنانية‏;‏ واستغلال غفلة الدولة‏(‏ في نظرهم علي الأقل‏)!!‏وبنفس أدوات المكر والدهاء و‏'‏الاستغلاب‏'‏ و‏'‏الاستعباط‏'‏ أجدني ألمح حين العودة إلي المدينة‏-(‏ كل‏)‏ مدينة‏-‏ أحياء بأكملها وقد شيدت في غفلة من الزمان‏..‏ غفلة امتدت لعشرات من السنين المتصلة‏..‏ أدوات مكر قوامها‏'‏ متتالية هندسية‏'‏ سخيفة للغاية هي‏:‏ البناء ثم الماء ثم الكهرباء‏,‏ فإذا بنا أمام أجمل تفعيل لأجمل أمثلة شعبية بليغة من طرازات‏:'‏ أمك في العش و اللا طارت‏'‏ و‏'‏ أعلي ما في خيلك اركبه‏'..‏ وهلم جرا‏!!‏ماذا خلف هذا الواقع مجتمعيا ؟ربما لا يري البعض هذا الواقع سوي من منظور عبارات رنانة نستمع إليها في كل يوم مائة مرة دون حل‏,‏ أو حتي بارقة أمل في أي حل‏,‏ من طرازات‏:'‏ تعديات‏'‏ و‏'‏ عشوائيات‏'‏ وما إلي ذلك من صياغات تفسيرية مريحة لغويا‏,‏ أليمة جدا واقعيا‏,‏ ولكنني اليوم أدعوك إلي القفز سريعا من فوق هذه الطرازات والبنايات إلي آفاق أكثر رحابة‏:‏لقد خلف هذا الواقع الأليم‏-‏ في رأيي‏-‏ واقعا موازيا أليما يمكن أن نسميه اليوم‏:‏ حالة عدم استقرار عقاري‏,‏ وهو تعبير ننسبه لأنفسنا ويرمي بظلاله علي واقع غريب في رأيي هو أنك لا يمكن أن تضمن بقاء حال أي واقع عقاري أبدا في هذا البلد‏-‏ ليس بسببك أنت في شيء وإنما بسبب غيرك في خضم فوضي تحكمها شطحات العقول البائسة‏;‏ فمن الجائز جدا‏-‏ إن لم يكن في حكم الحتمي‏-‏ أن يتحور الواقع العقاري من حولك فجأة‏;‏ بمعني أنه ليس معني أنك قد اشتريت فيللا‏(‏ مثلا مثلا‏)‏ في وسط موقع مخصص للفيلات أن في ذلك ضمان‏-‏ من أي نوع‏-‏ لك ولذريتك من بعدك بألا تجد كل ما حولك وقد راح يتهدم لتخرج بدلا منه عمارات شاهقة تفسد عليك خصوصيتك مهما أوتيت من ضمانات ــ فإما أن ترضخ أو أن ترحل إلي واقع عقاري متحور آخر‏!!‏ وليس معني أنك تمتلك‏(‏ اليوم‏)‏ أرضا زراعية وسط أراض زراعية مماثلة أنك قد لا تجد أرضك في ذات يوم في مهب نطاق عمراني سكنيا كان أم خدميا هو في حقيقته مفسد مفسد لمعني وجودك سواء تم ذلك جهارا نهارا أو في جنح الظلام‏;‏وليس معني كونك تمتلك شقة تطل علي حديقة غناء‏(‏ بتشديد النون‏)‏ هو أنك قد لا تجدها ذات صباح في مواجهة كوبري علوي جارح جاثم فوق صدرك والعياذ بالله‏;‏ أو أن تمتلك شباكا‏_‏ مجرد شباك‏-‏ يطل علي حائط مصمت مجاور فتجده في صبيحة يوم يطل علي شباك عريض فتحته سواعد الجار فجأة بدون حجة أو سند فأصبحت أنت في مرمي نيرانه مادمت حيا‏;‏ ولن أحدثك عن سكني شارع هادئ فإذا بك في مرمي سوق تجاري رهيب‏..‏ وهكذا دواليك‏!!‏أنت إذن تسكن علي كف عفريت في رحاب واقع عقاري قادر دائما علي التحور فقط نحو الأسوأ‏..‏فجأة‏!!‏ولا تقنعني بأي حال من الأحوال أن عكس الأمثلة التي ضربتها لك لتوي من الممكن أن يحدث ولو في أحلام أحلامك‏;‏ كأن تجد شرفتك فجأة في مواجهة حديقة غناء‏(‏ بتشديد النون أيضا‏)‏ من بعد أن أزالوا من أمامك ذلك الكوبري العلوي الذي كان جاثما علي صدرك‏..‏ أي كلام‏!!‏ولن أضيع وقتك ووقتي بالخوض في هذا الحديث المكرر المعاد بحثا عن الأسباب‏,‏ وإنما سأدعوك مرة أخري إلي القفز فوق هذا الواقع إلي رحاب ما هو أبعد‏,‏ ألا وهو ذلك السؤال الذي يراودني دوما فلا أجد له إجابة أبدا‏:‏ لماذا يعجز فكر هذا المجتمع دوما عن السير في عكس هذا الاتجاه ؟لماذا جبل هذا المجتمع بالذات من دون سائر المجتمعات علي استقرار الخطأ فقط فيه واكتسابه الشرعية ؟ ولماذا يتصالح هذا المجتمع دائما مع المعتدين ؟ ولماذا يعتبر هذا المجتمع أن مجرد الحلم بإعادة الأمور إلي نصابها هو ضرب من السذاجة الإدارية أو ربما الجنون‏;‏وأن بقاء الاعتداء علي ما هو عليه هو قمة الواقعية‏..‏ وكأن التغيير عندنا لابد أن يكون دائما في اتجاه‏(‏ الأفضل إلي الأسوأ‏)..‏ وليس العكس أبدا‏!!‏أما المضحك حقا فهو حينما يسفر هذا الواقع المغلوط في الأساس عن أخطاء يروح ضحيتها البشر من جراء ما اقترفته أياديهم وتجرأت عليه‏,‏ فإذا بالدنيا تنتفض في صالحهم وكأنهم كانوا علي حق في أي مما فعلوا‏..‏ تسقط‏(‏ الصخرة‏)‏ علي بيوتات غير شرعية أصلا فيقام الحد علي أناس لو أنهم تجرأوا بنفس المنطق‏(‏ فأزالوا‏)‏ الخطأ‏,‏ وصوبوا الأمور‏,‏ لما سلموا من اللوم في مهب موجة‏'‏ الغلابة‏'‏ العاتية‏,‏ العالية‏,‏ شديدة الوطيس‏!!‏ من بعد أن تاه معني‏'‏ الغلب‏'‏ علي أيادينا‏,‏ فما عدنا نعرف من منا الغلابة تحديدا؟ألم أقل لك أننا نتعامل مع استقرار الخطأ علي أنه عين الواقعية‏!!

معلومات عامة-1-






















غالباً ما تُصاب بالصدمة حين


تسمع صوتك عبر جهاز التسجيل أو عبر الميكروفون،


لأن الصوت يكون غريباً ومختلفاً عما تسمعه لنفسك،



فما هو السبب؟!


السبب هو أنك عندما تبدأ في الحديث



يهتز الحلق مسبباً اهتزاز تجاويف الفم والبشرة والجمجمة.


هذا الاهتزاز ينتقل بدوره إلى طبلة الأذن ليمتزج مع موجات الصوت مما يجعل صوتك أكثر عمقاً ورزانة.
أما حين تتحدث من خلال جهاز التسجيل فإن الصوت ينتقل عبر الهواء فقط فتكون تردداته أقل من ترددات العظام،


مما يعطي الصوت طابعاً مختلفاً عما تسمعه لنفسك،



وهذا الصوت الذي تسمعه عبر جهاز التسجيل هو الصوت الذي يسمعه الآخرون حولك.



أما عن سبب شعورك بالصدمة حينما تسمع هذا الصوت فهو أن عقلك يرفض تصديق أن هذا الصوت هو صوتك،


ولذا تشعر بالاستغراب والخجل من هذا الصوت الذي تسمعه


معلومات عامة ومفيدةللحكة أو الدغدغة في الحنجرة
إذا أصابتك حكة أو دغدغة في الحنجرة، افرك أذنك
لأن هناك أعصاب محفزة في الأذن، وعند حك الأذن تقوم بعمل رد فعل في الحنجرة
يمكن أن يسبب تشنج العضلة، هذا التشنج يخفف الحكة المزعجة أو الدغدغة
الدكتور سكوت شافير، رئيس مركزا لأذن والأنف و الحنجرة في نيوجيرسي




تخفيف احتقان الأنف
هل تعاني من احتقان الأنف المزمن ولم تنفع معك الأدوية
للتخفيف من ضغط الجيوب قم بدفع لسانك ضد سقف فمك بالتناوب
ثم اضغط بين حواجبك بإصبع واحد
هذا يسبب هز عظمة فومر التي تمر عبر الممرات الأنفية إلى الفم
وهذه الهزات تسبب تحرك الاحتقان، بعد20 ثانية ستشعر بأن الاحتقان بداء بالتحلل
ليسا ديستيفانو، أستاذ مساعد في كلية ولاية ميشغان الجامعية
.

عالج ألم الأسنان دون فتح فمك


جرب فرك قطعة ثلج على باطن يدك على المنطقة الغشائية على هيئة V بين إبهامك وسبابتك
لأن هناك توجد ممرات الأعصاب التي تحفز الدماغ وتمنع إشارات الألم الصادرة من الوجه والأيدي
دراسة كندية

















===============







تخلص من آثار الحروق

عندما تحرق إصبعك عرضياً على فرن الغاز، نظف الجلد واضغط بشكل خفيف على مكان
الحرق بأصابع يدك الأخرى. الثلج سيخفف ألمك بسرعة أكبر. لكن الطريقة الطبيعية ستعيد
الجلد المحروق إلى درجة الحرارة الطبيعية، فيصبح الجلد أقل تشوهاً
ليسا ديستيفانو، أستاذ مساعد في كلية ولاية ميشغان الجامعية













=










حتى لا تصاب بالدوخة

ضع يدك على شيء ثابت لان اليد تحتوي على أعصاب تعطي الدماغ مؤشر بأنك متوازن
بعكس الإشارة التي ترسلها القوقعة الجزء المسئول عن التوازن في الأذن
يعوم الجزء المسئول عن التوازن في سائل من نفس كثافة الدم بينما يخفف الكحول الدم فيصبح أقل كثافة وترتفع القوقعة مما يسبب الدوخة
الدكتور سكوت شافير، رئيس مركز الأذن والأنف والحنجرة في نيوجيرسي





=============


إذا كنت تريد الاختناق بدمك أغلق انفك وارجع رأس للخلف
أما الطريقة الصائبة فهي وضع قطن على لثتك العليا التي تقع أسفل الأنف واضغط عليه بقوة
لماذا؟
يأتي أكثر النزف من جبهة الحاجز، جدار الغضروف الذي يقسم الأنف، والضغط عليها يوقف النزيف
بيتر ديسماريس اختصاصي أذن وأنف وحنجرة في مستشفى اينتابيني، في ديربان، جنوب أفريقيا

==========



هل تريد أن تهدأ ضربات قلبك ؟ انفخ على إبهامك
لماذا؟
يمكن السيطرة على عصب فاغو الذي يتحكم بمعدل نبضات القلب، من خلال التنفس
وسوف تستعيد معدل نبضات قلبك إلى الوضع الطبيعي
بن أبو ، اختصاصي خدمات طبي طارئِ في جامعةِ بيتسبيرج

للضرورة أحكــــــــــام!!